مغربيات مجلة الاسرة المغربية لتطوير الذات – أخبار وفن وثقافة
الشاعرة شهد الراوي
الشاعرة شهد الراوي شاعرة تكتب الشعر بالفصيح والعامية و هي كذلك قاصة. لها العديد من المنشورات في الكثير من الصحف العربية والمواقع الألكترونية.
شاركت في العديد من المهرجانات الشعرية والنشاطات المدنية في الإمارات العربية المتحدة. درست شهد الراوي في العراق وأكملت دراستها في سوريا، بجامعة دمشق، و هي حاصلة على شهادة الماجستير في إدارة الموارد البشرية من جامعة دمشق. تقيم الشاعرة شهد الراوي الآن في دبي.
إليكم قصيدة لها باللغة العامية بعنوان اشحلو انت
قصيدة اشحلو انت للشاعرة شهد الراوي
اشحلو انت
يعطر الجوري لو تمر بين الناس فوحته
شحلو انت …..
تسبي بالنظر وتذبح الوادم بالفته
والطول يكتل لو انت ميلته
منو انت؟؟؟
حلم طاف بيه وحبيبي تصورته
وامر يومية كدامه …
وينظر لي تخيلته
ومن سألوه عني يكول معرفته!!!
وانا اللي بنيت احلام ….
حسبالي من نظره صوبته
تهيم الدنيا بعيوني وجم واحد حلو لبسته
وانت تهملني ؟؟؟
وتدوس الورد بعد ما ذبلته
منو انت؟؟
حقك لو شفت روحك
برجك عالي منزلته
رقيق ووفي والعين تحجي
حتى بالسكتة
وجم كلب حبك صديته ولوعته
صافي الكلب و من العشك ريحته
هنيال اهله بيه….
واحسد عليه مرته
لا تظن بعد الرحيل اسمك اكون ماسحته
ولا تظن طول الليالي تنكضي بلحظات لفته
ولا تظن دموع الحزن تنكتم بالسكتة
انا بعدك عطر من الحزن رشيت ودهدرته
وانا بعدك وادي من الوفا وبدموعي غركته
وانا بعدك ثوب من الدفا وبأيدك انت كطعته
شفت بحروفه معزوفة وحسبالي انا البسته (في المقام العراقي)
وشفت بعيونه دموعه وعرفت السبب بخته
لا تنهم تره همك يدك بكلبي ويموته
ولا تبجي تره دموعك تجر شرياني وتعته
اسمك يظل نبراس بوسط الروح علكته
واسمك تراه معروف الوكت الضيج وقته
ولو طفنا الكون وتهنا…
نبقى انا وانت
نحن لتراب الوطن وانهاره ونخله وسعفته
عراقي…
عراقي معجون بشهامة وطيب توج
لو انت فزعته ….
عراقي والزمن بيك انت طوعته
والهالسبب كلها تصيح ….
يمه شحلوووو انت !
الشاعرة شهد الراوي
